Sayektosipun, basa Jawi menika mboten saged dipun pisahaken saking kabudayan Jawi saha perkawis panggula wenthah utawi pendidikan. Awit kesenian Jawi utawi wayang kulit  menika mujudaken piranti panggulawenthah saha dados wahananipun kabudayan jawi.

Kabudayaning manungsa mboten saged kapisahaken kaliyan basanipun. Jalaran basa menika mujudaken babagan ingkang tumut nemtokaken wontenipun kabudayan. Tanpa basa mesthi mboten badhe wonten kabudayan.

Semanten ugi, seserepan utawi pangertosan bab budaya wau namung saged dipun udi sarana ngupadi  saha saged lestantun lantaran panggula wenthah. Kejawi punika, ngrembakakaken budaya Jawi/kesenian jawi/wayang kulit badhe tumut nyengkuyung hamangun watak tuwin karakter bangsa, saha mujudaken jati dhiri bangsa Indonesia.***) Widodo Anwari, S.Sos